منتدى شباب الخرقانية
اهــــــلا ســـــهلا
بيك فى (( مـنـتـدى شـبـاب الـخـرقـانـيـة))
من فضلك شرفنا بتسجيلك فى المنتدى ولا تنس تفعيل حسابك من الايميل او انتظر الاداراة بتفعيل حسابك فى خلال ساعتيين

منتدى شباب الخرقانية

معا من اجل تغيير الخرقانية والاخميين
 
الرئيسيةالبوابةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 عايز تبني...لــ عاطف ابو سلامه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عاطف ابو سلامة
المشرف العام
المشرف العام
avatar

عدد المساهمات : 151
تاريخ الميلاد : 18/12/1982
تاريخ التسجيل : 21/08/2011
العمر : 34

مُساهمةموضوع: عايز تبني...لــ عاطف ابو سلامه   السبت 12 نوفمبر - 12:13

عايز تبني
عايز تبني ابني كلام
أبدأء فكره وكون رأى وابني طوابق من الاحلام
رتب ورقك حاول تعرف الفكره هتكلف كام
وأعرف أيه حوالين الفكره وتفيد الفكره ايه بكره
وتحارب من أجل نجاحها وتسامح لو دا في صالحها
والفكره هتساعد مين أوعي تموتها الايام
نمي الفكره وكبر فيها وادعي مين ويايا لدفاعها
والفكره لو تنفع أمه حابي عليها من الاوهام
اوعي يصادفك جاني وحاقد وتقول من بعده إستسلام
مين عالم من سنين تبقي الفكره قانون إلزام
[عايز تبني إبني كلام]
عايز تبقي صحفي كبير ويبقالك رأي و عنوان
اكتب أكتر واقرا كمان حارب كل ظالم وجبان
خلي رايك يبقي مؤثر زي كبير العيله زمان
رأيك صح حارب ليه خليه ليك ناصح وإمام
خلي الرأي الصح يقود كسر بيه كل الاصنام
لازم رايك بعد الثوره يحمي من الديب الاغنام
أوعي يكون رايك في الاخر يبقي نهايته كلام في كلام
إلبس ثوب الرأي الواضح زي الحاجج في الاحرام
وأغسل ذنب سياسي قديم أو دور وطني كان هدام
قولها يا بلدي متأسف عقلي كان ناعس أم نام
عايز تبني وتعلي وتقوي رتب أفكار وابني كلام

عايز تبقي سياسي وبارع خلي مقالك يبقي حوار
أنزل كل ميدان أو شارع حاور ناس واعرف أسرار
ركز بقي ع الناس الضايعه اللي شقيان ليل ونهار
خلي مقالك ع التعليم دا التدريس بقي باستهتار
أو علي تهريب التموين والعيش اللي طابوره مرار
او حارب دكاكين ومدابح اللي ولعوا في الاسعار
لحمه فراخ سعرها في الطالع جبنه وفول أو حتي خضار
حارب علي أنابيب الغاز نص الحصه للتجار
خلي مقالك يطلع بينا للجنه من بعد النار
عايزتبني ابني كلام
لو عايز تبقي مشهور دورلك علي أي قضيه
حارب فيها الناس الفاسده واولاد الايه الحراميه
قولنا دول أزاي سرقونا وازاي عملوا بلدنا وسيه
اشرحلي بطريقه بسيطه ازاي حقي يرجع ليه
قول بحقيقي فلوسنا هترجع ولا معدتش في أهميه
رتب كل فئات الشعب مين الجاني وكان له ضحيه
واللي شايف نفسه ضحيه ينزع من قلبه الالغام
روح أنضم لاخونا الوطني وأطلب للجاني الاعدام
أيد علي ايد نبني في بلدنا وكفايه حواديت أقلام
مد أيدنا لبعض الغايه وسيلتها شرع الاسلام
عايز تبني أبني كلام
من الواضح انك محتار خايف تختار حزبك مين
عايز تضمن مين كسبان مين هيكون صاحب ملايين
مين اللي هيحكم ويحاكم يدعي علينا ونقوله امين
طبعا بعد النوم ع الكنبه عايز تبقي سياسي رزين
عندي وصفه جت علشانك بس ما تفوتش يومين
قوم من بدري في كل صباح شوف كام برنامج إخباري
واعرف بلدك ماشيه ازاي أيه اللي بيحصل مداري
أيه اللي دلوقتي متاح قبل يناير كان إجباري
وأختار الحزب اللي يفيدك واوعي يكون حزبك دا تجاري
حاذر من الاحزاب الصفرا ايشي علماني او دا يساري
عندك من الاسماء يجي ميه إسطنبولي أو ليبرالي
سيبك منهم خلي سياستك تتطلع للعدل الاجباري
خلي كلامك لو جه دورك الوطنيه هي شعاري
بس كلامك يبقي بفايده مش ثرثره وفضول سمام
ابني كلام له قوه وقيمه تطلع بيه فوق الاحلام




شعر/ عاطف أبو سلامه

[/b]


عدل سابقا من قبل عاطف ابو سلامة في الإثنين 14 نوفمبر - 12:04 عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
إدارة المنتدى
مؤسسة المنتدى
مؤسسة المنتدى
avatar

انثى
عدد المساهمات : 171
تاريخ الميلاد : 01/09/1991
تاريخ التسجيل : 18/08/2011
العمر : 26
الوظيفة : لا اعمل
المزاج : لا له الا الله محمد رسول الله
البلد : قرية الخرقانية

مُساهمةموضوع: رد: عايز تبني...لــ عاطف ابو سلامه   السبت 12 نوفمبر - 16:58

بسم الله ماشاء الله
كلام يعجز لسانى عن التعبير
عن روعته
ابدعت ياشاعر


=========================================


=============================================

مديرة المنتدى
(معا من اجل تغيير الخرقانية والاخميين)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاطف ابو سلامة
المشرف العام
المشرف العام
avatar

عدد المساهمات : 151
تاريخ الميلاد : 18/12/1982
تاريخ التسجيل : 21/08/2011
العمر : 34

مُساهمةموضوع: رد: عايز تبني...لــ عاطف ابو سلامه   الإثنين 14 نوفمبر - 12:12

شكرا يا مديره
..
.
.
.
انتهيت من تأليفها من حوالي أسبوعين
وماكنتش عايز انشرها,عشان اشارك بيها في المسابقه

لكن لاقيت المسابقه هطول قولت أنشرها وأجري علي الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
إدارة المنتدى
مؤسسة المنتدى
مؤسسة المنتدى
avatar

انثى
عدد المساهمات : 171
تاريخ الميلاد : 01/09/1991
تاريخ التسجيل : 18/08/2011
العمر : 26
الوظيفة : لا اعمل
المزاج : لا له الا الله محمد رسول الله
البلد : قرية الخرقانية

مُساهمةموضوع: رد: عايز تبني...لــ عاطف ابو سلامه   الإثنين 14 نوفمبر - 14:17

اولا احب اقول
انك فعلا لو فى مسابقة كنت انت اللى هتفوز
من روعة قصيدتك
واحتواء المضمون لقضايا كتييييييييير اوى
اما بالنسبة للمسابقة اتمنى حد يتباها يكون
معروف للكل مش مجهول زى انا


=========================================


=============================================

مديرة المنتدى
(معا من اجل تغيير الخرقانية والاخميين)


عدل سابقا من قبل إدارة المنتدى في الأربعاء 16 نوفمبر - 14:26 عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاطف ابو سلامة
المشرف العام
المشرف العام
avatar

عدد المساهمات : 151
تاريخ الميلاد : 18/12/1982
تاريخ التسجيل : 21/08/2011
العمر : 34

مُساهمةموضوع: رد: عايز تبني...لــ عاطف ابو سلامه   الأربعاء 16 نوفمبر - 10:47

رد مقنع..... [color=darkblue]وطبعا دلوقتي الكره بقت في ملعبي انا
لكن بصراحه انا شايف انه لسه شويه ,,,محتاجين مشاركات اكتر في المنتدي
عشان نضمن ان كل المثقفين اللي في البلد موجودين بالفعل
عشان مانحجبش حق حد [/colo
r]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عايز تبني...لــ عاطف ابو سلامه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى شباب الخرقانية :: مواهب وافكار ابناء الخرقانية-
انتقل الى: