منتدى شباب الخرقانية
اهــــــلا ســـــهلا
بيك فى (( مـنـتـدى شـبـاب الـخـرقـانـيـة))
من فضلك شرفنا بتسجيلك فى المنتدى ولا تنس تفعيل حسابك من الايميل او انتظر الاداراة بتفعيل حسابك فى خلال ساعتيين

منتدى شباب الخرقانية

معا من اجل تغيير الخرقانية والاخميين
 
الرئيسيةالبوابةمكتبة الصورس .و .جبحـثقائمة الاعضاءالمجموعاتالتسجيلدخول

شاطر | 
 

 حوار بين مؤيد ومعارض

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عاطف ابو سلامة
المشرف العام
المشرف العام


عدد المساهمات : 151
تاريخ الميلاد : 18/12/1982
تاريخ التسجيل : 21/08/2011
العمر : 34

مُساهمةموضوع: حوار بين مؤيد ومعارض   الأربعاء 6 فبراير - 11:28


كدبوا علينا
وال حجتهم .............احنا اللي معانا الشرعية
إتخضانا ..............وقولنا خلاص الشرعية للحريه
الحرية ان ............كرامتي تكون متصانه
والشرعية ............اديك صوتي تصونوا أمانه
والوطنيه ............. تحفظني من اي خيانه
والثورية .................اني أثور لو شفتك مخطئ

☻☻☻☻☻☻☻☻
... لاء ماتثورش..........
لو سيفي ف قلبك ماتقولوش
... ... لو هسرقك قوتك ماتلومش....
ومتتكلمش
كل كلامك هش ف هش
يبقي حقيقي مايتكذبش
بس انا اعرف اكدبهولك
واوصفوا للناس انك خاين
او كافر وبمليون.... وش
والناس هتصدقني اكيد
ولو لكلامك ألف دليل
اقدر اجيبلك ألفين ميه

ماحنا اللي معانا الشرعية

☺☺☺☺☺☺☺☺☺☺
الشرعيه .......
اديناهلكوا تجيبوا حقوقنا
تخافوا علينا....تنهضوا بينا
تحموا وطنا ... من أعدينا
مش تمكين لجماعه وحزب
.......... يقف ف طريقنا
عايزين ناخد عبره ودرس
........ م اللي سبقنا
........واللي سرقنا
اللي سرقنا كان ف الاول كل كلامه
ع الشرعيه
أل أيه....................... برنامج إصلاح
خصخص شركه...أخد الارض من الفلاح
موت فكره....... وعمل دوله للسفاح
بص عليه وشوفه دلوقتي
لو لحظه عارف يرتاح
اهو عايش ميت م الخوف
وف نومه تطارده الاشباح
وهو ده كان وياه شرعيه

اه انا عارف الشرعيه بتاعتوا
كات ملخويه
لكن شرعية سيادنكم
زي الكشري بالتقليه
ف الاخر ماهو كله طبيخ
اللي بايعك ف الصندوق
زي اللي بيشتري بطيخ
تطلع بيضه تطلع حمرا
تطلع بطيخه منديه
اهي دي بالظبط الشرعيه

♣♣♣♣♣♣♣♣♣♣♣♣♣♣♣♣
انت شكلك كده مش فاهم
وبتتكلم اي كلام
روح ازرعلك شجره وورده
وبلاش تسمع للاعلام
اللي هقولهولك , دا أمين
واللي يقوله غيري حرام
اسمع بقي وبلاش تتلائم
سيبك من كل الاوهام
انا دلوقتي الحزب الحاكم
وكلامي قوانين إلزام
ما حنا اللي معانا الشرعيه

♠♠♠♠♠♠♠♠♠♠♠♠♠♠♠♠♠
تاني شرعيه
كررتها يجي مليون مره
تسرق بيها الثورة الحره
تكسب بيها تايد ساذج
عامل فيها مخترع الذره

كدب ف كدب
فين النهضه النعليميه؟؟
فين الصحوه ال مروريه؟؟
فين القفزه الاقتصاديه؟؟
فين ...مبادئنا القانونيه؟؟
قرارتك فين الاجتماعيه؟؟
والشعبيه؟
والثوريه؟
جبت فلوسنا م الحراميه؟؟
فين حق شهيد التحرير
فين حق شهيد الاتحاديه؟؟
برجوازيه
دكتاتوريه
فين النهضه الاخوانيه؟
فين الشرعيه؟؟
الشرعيه تسقط لما
تقتل اي اراده شعبيه
لما الدم يسيل ع الارض
يبقي خلاص ..........
مفيهاش شرعيه


شعر / عاطف ابو سلامه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
إدارة المنتدى
مؤسسة المنتدى
مؤسسة المنتدى


انثى
عدد المساهمات : 171
تاريخ الميلاد : 01/09/1991
تاريخ التسجيل : 18/08/2011
العمر : 25
الوظيفة : لا اعمل
المزاج : لا له الا الله محمد رسول الله
البلد : قرية الخرقانية

مُساهمةموضوع: رد: حوار بين مؤيد ومعارض   الخميس 2 مايو - 6:19

بجد قصيدة روعة ابدعت


=========================================


=============================================

مديرة المنتدى
(معا من اجل تغيير الخرقانية والاخميين)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حوار بين مؤيد ومعارض
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى شباب الخرقانية :: مواهب وافكار ابناء الخرقانية-
انتقل الى: